INMERS
Navarra guovlohálddahus jođiha riikkaidgaskasaš fidnu ovttas ráđiid Lappi universiteahtain, Navarra universiteahtain, románialaš Funky Citizen -organisašuvnnain ja Navarra Konstruktiivvalaš journalismma instituhtain.

INMERS.
Fidnu váldoulbmilin lea nanosmahttit badjel 65-jahkásaš olbmuid medialohkandáiddu boaittobeal guovlluin Lappis, Transilvanias ja Navarras.

inmers-International-Media-Literacy-Empowered-Rural
Fidnus ordnejit boarrásut olbmuide bargobájiid medialohkandáiddus ja skuvlejit bargobájiide jođiheddjiid. Dasa lassin ovttas oassálastiiguin ovddidit medialohkadáiddu skuvlenofelačča. Fidnus plánejit maiddái, mo doaimma sáhttá viiddidit eará guovlluide Eurohpás. Oahppamateriálain ja skuvlejumiin váldet vuhtii guovlluid sierra gielaid ja báikkálaš earenoamášvuođaid.

ULBMILAT

Fidnu váldoulbmilin lea nanosmahttit Lappi, Transilvania and Navarra guovlluin boaittobeal guovlluid badjel 65-jahkásaš olbmuid medialohkandáiddu, kritihkalaš jurddašeami ja iehčanasvuođa digitála birrasiin. Ná fidnu doarju servodahkii oassálastima ja demokráhtalaš resilienssa.

Fidnu váldoulbmilat leat:

1- Čielggadit boarrásut olbmuid medialohkandáidui laktáseaddji dárbbuid sierra guovlluin.
2- Juohkit dieđu ja buriid geavadiid badjel riikkarájáid.
3- Ovddidit skuvlenmateriálaid, mat leat juksamis, main geavahit oassálasti metodaid, mat heivejit boarrásut olbmuide.
4- Geahččalit doaimmaid, mat ovddidit medialohkandáiddu Suomas, Espanjás ja Románias.
5- Ráhkadit ovttasráđiid skuvlenofelačča skuvlejeddjiid ja jođiheddjiid doarjjan.
6- Skuvlet báikkálaš jođiheddjiid bistevaš doaimmaid várás.
7- Lasihit dieđu das, mo ahki, ássanguovlu ja giella laktásit medialohkandáidui.
8- Vihkkehallat ollašuhttojuvvon doaimmaid váikkuhusaid.
9- Juohkit fidnu bohtosiid viidát ja ovddidit doaibmavugiiguin ávkkástallama sierra guovlluin Eurohpás.

PLÁNA JA BARGOPAKEAHTAT

INMERS sisttisdoallá vihtta latnalas bargopakeahta (WP):

01

WP1 Fidnu hálddašeapmi ja koordineret: fidnu doaimma ja ekonomiija čuovvun, riskkaid gárten ja partneriid gaskasaš gulahallan.

Sihkkarastit fidnu njuovžilis hálddašeapmi čuovvovaš vugiiguin:

      • Stivrenjoavku vástida fidnu strategalaš čuovvumis.
      • Ekonomiija koordineren ja hálddašeapmi
      • Riskkaid hálddašeami bargoneavvut ja geavadat
      • Raporteren Eurohpá kommišuvdnii
      • Njuovžilis siskkáldas gulahallama sihkkarastin

02

WP2 Boaittobeal guovlluid senioraid medialohkandáiddu dárbbuid ja čovdosiid guorahallan

Čielggadit boaittobeal guovlluid senioraid medialohkandáidui laktáseaddji dárbbuid. Guovddáš sisdoalut ja doaimmat:

      • Dili guorahallama matriisa
      • Jearahallanmálle mii geavahuvvo sierra guovlluin
      • Guorahallama bohtosiid raporteren
      • Espánja, Suoma ja Románia guovlluid veardádallan
      • Medialohkandáidui laktáseaddji dieđu ja buoremus geavadiid lonuhallan

03

WP3 Ovddidit ovttas medialohkandáiddu ofelačča

Ovddidit medialohkandáidui laktáseaddji skuvlejumi, mii heive boarrásut olbmuid dárbbuide:

      • Metodologalaš referánsarápma
      • Skuvlenmodulat, main guovddážis leat geavatlaš dáiddut
      • Skuvlejeddjiid rávvagat
      • Sisdoaluid heiveheapmi boaittobeal guovlluide, mat leat máŋggagielagat
04
WP4 Evalueren

Árvvoštallat ollašuhttojuvvon doaimmaid váikkuhusaid:

      • Oassálastiid vuolggasaji árvvoštallan
      • Skuvlenmateriálaid árvvoštallan
      • Čuovvun piloterema áigge
      • Loahpparaporta, masa čohkkejuvvojit bohtosat, vásáhusat ja árvvoštallan
05
WP5 Gulahallan ja dieđu juohkin

Sihkkarastit fidnu oidnoma ja ovddidit doaibmamálliiguin ávkkástallama báikkálaš, nášunála ja EU dásis.
Guovddáš sisdoalut:

      • Gulahallanplána
      • Fidnu almmolaš neahttasiidu
      • Čanusjoavkkuide dárkkuhuvvon dilálašvuođat, main juhket dieđu fidnu bohtosiin
      • Máŋggagielat buriid geavadiid ofelaš