Nafarroak, Laponiak eta Transilvaniak INMERS proiektua aurkeztu dute Bruselan, 65 urtetik gorakoen bazterketa digitalari aurre egiteko

Bruselako Europako Parlamentuak ostegun honetan hartu du INMERS (International Media Literacy – Empowered Rural Seniors) proiektuaren aurkezpena. Nafarroak gidatzen duen ekimena da, Finlandiako eta Errumaniako erakundeekin lankidetzan garatua, eta landa-eremuetan bizi diren 65 urtetik gorako pertsonen media-alfabetizazioa hobetzea du helburu, gaitasun digitalen arloko prestakuntza uztartuz.