Navarra jođiha fidnu, man leat ruhtadan Kreatiiva Eurohpá ollisvuođa bokte. Fidnu ulbmilin lea easttadit badjel 65-jahkásaččaide čuohcci disinformášuvnna, digitála dájuheami ja digitála bázahallama.
Navarra guovlohálddahusa presideanta María Chivite rabai eurohpalaš INMERS-fidnu (International Media Literacy – Empowered Rural Seniors) virggálaš álggahandilálašvuođa Eurohpá parlameanttas Brusselis. Kreatiiva Eurohpá -prográmma CREA – Media Literacy -ruhtadeami ožžon fidnu ulbmilin lea nanosmahttit Eurohpá boaittobeal guovlluid badjel 65-jahkásaččaid medialohkandáiddu. Fidnu jođiha Navarra guovlohálddahus.
Dilálašvuohta ordnejuvvui Eurohpá guovlluid komitea oktavuođas, ja dasa válde oasi buot fidnu ovttasbargoguoimmit Navarras, Suomas ja Romaniás. Mielde ledje maid sierra organisašuvnnaid ovddasteaddjit, dego Eurohpá parlameantta miellahttu Elena Sancho Navarras ja Eurohpá parlameantta ovddasteaddjit Idoia Mendia, Rosa Serrano ja Marcos Ros.
Sáhkavuorustis presideanta María Chivite deattuhii, ahte medialohkandáidu ii leat dušše teknologiijai, muhto maid demokratiijai laktáseaddji ášši. Son buvttii ovdan maid, ahte go ”disinformašuvdna, konflivttat ja digitála dájuheapmi lassánána, de boarrásut olbmuid kritihkalaš dáidduid nanosmahttin lea sin iehčanasvuođa ja olmmošárvvu suodjaleapmi”.
Dego Chivite sáhkavuorustis deattuhii: ”Dán áigge, go luohttámuš institušuvnnaide ja duođalaš dihtui lea okta demokratiija stáđisvuođa áidestoalppuin, medialohkandáiddu nannen mearkkaša Eurohpá nannema. Daddjojuvvo, ahte soađi vuosttas oaffar lea duohtavuohta. Dáid leabuhis áiggiin go jidnes jođiheaddjit ja stáhtat jurddašit, ahte sii sáhttet bágget iežaset duohtavuođa bombaigguin ja diplomáhtalaš deattuin, de mun háliidan bealuštit čuvgejuvvon Eurohpá. Eurohpá, mii lei fridja máilmmi ofelaš ja man lea áigi váldit dán barggu fas guoddinláhkái. Gosge eará guovlluin máilmmis eai leat juksan seammalágan buresbirgejumi, eallinkvaliteahta, dorvvolašvuođa, sosiála vuoiggalašvuođa ja ovdáneami. Nannejeahkkot fas min eurohpálaš máŋggabealátvuođa sániiguin. Bombbaid rieja vuostá mii bidjat demokratiija.”
Chivite deattuhii maid, ahte INMERS-fidnu vástida Navarra, Lappi ja Transilvania oktasaš hástalusaide, dego álbmoga boarásnuvvamii, guhkes mátkkiide ja digitála eahpedásseárvui. Fidnus giddejit earenoamáš fuomášumi maid guovlluid máŋggagielatvuhtii.
”Guovlluid ja olbmuid digitála ovttaveardásašvuohta johtet giehtalágaid. Eat sáhte hállat nana Eurohpás, jus mii vajálduhttit sin, geat dárbbašit eanemus min doarjaga,” son deattuhii.
Fidnu ollašuhttet guovtti jagi áigge golmma pilohtaguovllus: Navarras, Lappis ja Transi Fidnus guorahallet boarrásut olbmuid medialohkandáiddu ja dan, man álkit sii váldet vuostá boasttu dieđu. Fidnus maid ovddidit sin dárbbuide heivehuvvon skuvlenmateriálaid, ordnejit bargobájiid ja ráhkadit eurohpálaš medialohkadáiddu ofelačča.
Dasa lassin fidnus skuvlejit báikkálaš jođiheddjiid sihkkarastin dihte doaimma joatkašuvvama maŋŋelis. Fidnu doaimmaid árvvoštallet ja bohtosiid juhket sierra guovlluin Eurohpás.
Dilálašvuhtii válde oasi ovddasteaddjit Navarra guovlohálddahusas, Navarran universiteahtas, Lappi universiteahtas, románialaš Funky Citizens -searvvis, Navarra Konstruktiivvalaš journalismma instituhtas ja teknologiijafitnodat Eará ovttasbargoguoimmit válde oasi gáiddusoktavuođaid bokte.
Beaivvi prográmmas ovdanbukte fidnu ulbmiliid ja bargopakeahtaid, ja sohpe fidnu čuovvovaš muttuin ja áigedávvalis.
Navarra lea ovdavázzin eurohpálaš fidnuin, main lea váikkuhus
Sáhkavuorus loahpas Chivite deattuhii, ahte oassálastin eurohpálaš prográmmaide dahká vejolažžan viiddidit almmolaš doaimmaid váikkuhusaid iežas guovllu olggobeallái ja nannet guovlluid jiena digitalisašuvnnas ja guovlluid ovttaveardásaš eurohpálaš ságastallamis.
“Eurohpá eai hukse dušše oaivegávpogiin, muhto maid guovlluin. Navarra háliida leat aktiivvalaš dán barggus”, Chivite dajai.
INMERSii boahtá ruhtadeapmi Eurohpá uniovnna Kreatiiva Eurohpá -prográmmas. Fidnu ulbmilin lea nannet boaittobeal guovlluid senioraid iehčanasvuođa, servodahkii oassálastima ja kritihkalaš dáidduid.